Natalek ni Pres. Ferdinand Marcos Jr. a ti kapirpirma a Comprehensive Economic Partnership Agreement (CEPA) iti nagbaetan iti Pilipinas ken United Arab Emirates ket mangpapigsa iti bilateral relations iti nagbaetan dagiti dua a pagilian.
Iti panagsaritana iti Filipino community idiay Abu Dhabi, kinuna ni Pres. Marcos a ti CEPA ket ag-reflect iti panangbigbig ti UAE iti reputasyon dagiti Filipino worker iti Gulf state.
Kinunana a ti nasao a tulagan ket mangted iti ad-adu a gundaway para iti pagilian ken dagiti Pilipino babaen ti pannakayatiddog a trade, investment ken people-to-people exchanges.
Segun ken ni Marcos, namin-ano nga inapresyar dagiti Emirati official dagiti mangmangged a Pilipino ta awan iti naawatda a reklamo kontra kadagiti Pilipino nga agtrabtrabaho iti nasao a pagilian a mangipakita a naayaat iti panagakemda iti development iti UAE.
Siguradoen ti presidente nga ar-aramiden iti gobierno iti amin tapno masigurado a maikkan iti umdas a benepisyo, salaknib ken suportar dagiti Pilipino a mangmangged iti nasao a pagilian.
