Namonitor ti Philippine Coast Guard (PCG) ti sumagmamano a barko iti China Coast Guard (CCG) ken dagiti barko a pangranget iti People’s Liberation Army Navy (PLAN) iti aglawlaw iti Bajo de Masinloc wenno Scarborough Shoal iti naisayangkat a maritime domain awareness flight.
Segun ti PCG, karaman kadagiti nakita ket ti dua a barko iti China Coast Guard, ti maysa ket 84.6 nautical miles iti laud iti Capones Island ken ti maysa ket 7.8 nautical miles iti amianan a daya iti Bajo de Masinloc.
Nakita pay iti dua a barko a pangranget iti PLAN nga adda maudi a number-na a 533 ken 909 karamanen ti lima a lugan iti kabaybayan a mapapati a pakairamanan ti Chinese maritime militia iti kaadayo nga innem agingga 12 nautical miles manipod iti shoal.
Namin-ano a daras a nairuaran iti radio challenge iti barko a pangranget iti Chinese Navy iti PCG Islander aircraft ngem impaganetget ti PCG a ti operasyonda ket kasaruno iti United Nations Convention on the Law of the Sea (UNCLOS), iti 2016 Arbitral Award, ken ti Philippine Maritime Zones Act.
Impaganetget ti PCG a ti panagpatrolyada iti lugar ket pammaneknek iti takderda a salakniban dagiti mangngalap a Pilipino ken idatyag iti mapapati nga illegal a presensya dagiti puersa iti kabaybayan iti China iti nasao a lugar.
