--Ads--
Naituding ti panagpili iti petsa dagiti Cardinal para iti conclave wenno ti panagtataripnong ti College of Cardinals tapno bumutos iti baro a Santo Papa kasaruno ti ipupusay ni Pope Francis.
Agdama nga adda idiay Vatican ti 135 a cardinal electors manipud iti nadumaduma a pagilian sipud natay ti Santo Papa idi Abril 21.
Nangisayangkat payen dagiti Cardinal iti general meetings sipud pimmusay ti Argentinian pontiff tapnon mangaramid iti desisyon mainaig iti pannakaitabon ti Santo Papa.
Maibasar iti patta dagiti eksperto, posible a maisayangkat ti papal conclave inton Mayo 5 wenno 6, kalpasan ti siam nga aldaw a panagladingit iti ipupusay ni Pope Francis nga agleppas inton Mayo 4.
-- ADVERTISEMENT --
