Maladingitan ni Cardinal Pablo Virgilio David kadagiti indibidual nangruna dagiti sumagmamanoanak dagiti politician a mangipakpakita iti kinagastarda idinto a ti dadduma ket agbisbisin ken awan iti kanenda.
Segun ken ni David, naalas a makitkita iti social media a dagiti anak dagiti politiko ket maaddaan iti pangrabii nga aggatad iti P760,000 para laeng iti uppat a tattao, gatad a saan a maurnong iti maysa a mangmangged iti uneg iti tallo a tawen.
Pinasingkedan pay ti Cardinal ti maya nga interview iti maysa a politiko nangipakita kadagiti mansion ken nagarbo a luganna a nangibutaktakanna a nagtaud manipod kadagiti kontraktor iti Department of Public Works and Highways (DPWH).
Pakaladingitanna pay a maysa nga ama iti naibalid gapu iti mapapati a pannakibuntayogna iti igid ti kalsada idinto a saan a maibalud wenno makasoan dagiti nagtakaw iti minilion a pisos a pondo iti ghost flood control projects.
