--Ads--
Naka-full alert ti Candon City Police Station para iti pannakaisayangkat ti 2026 Asian Volleyball Women Cup manipud idi kalman Hunyo 6 agingga 14.
Iti pannakiuman ti Bombo Radyo Vigan ken ni PLT. Jovelyn Antalan, makadua ti Candon City PNP dagiti police personnel manipud iti Ilocos Sur Police Provincial office, kabangibang nga ili, nadumaduma nga ahensia, barangay officials ken dadduma pay.
Impasigurado dagiti otoridad ti nainget nga area security ken traffic management para kadagiti atleta kasta payen kadagiti mapan agbuya.
Impakaammo ni Antalan nga awan ti mapasamak a road closure iti siudad ngem manamnama ti trapiko kangrunaan iti paset ti Candon City Arena.
-- ADVERTISEMENT --
