--Ads--
Inikkan ti Commission on Elections (Comelec) iti lima nga aldaw dagiti nagkandidato tapno baklasen dagiti campaign materials.
Segun ken ni Director John Rex Laudiangco a pannakangiwat ti Comelec, posible a sumango ti election offense iti siasinoman a saan a sumurot.
Agtultuloy a maipatpatungpal ti Section 30 ti Resolution No. 11086 a mangpawayway iti lima nga aldaw tapno ikkaten dagiti kandidato wenno partido iti campaign materials-da.
Ti kangrunaan nga ipaikkat ti poll body dagiti election propaganda materials a nagkaiwara kadagiti kalsada.
-- ADVERTISEMENT --
Nu saanda a sumurot ket mabalin a madis-qualify dagiti nangabak a kandidato ta nakasagana ti Task Force Baklas a mangdusa kadakuada.
