Naireklamo iti Office of the Ombudsman ni Caloocan 3rd District Rep. Dean Asistio maipanggep iti mapapati a P79.2 million a “ghost” ken overpriced flood control projects iti distritona.
Ti kaso nga impila ni dati a Caloocan Mayor Rey Malonzo ken ni Asistio ket graft, malversation ken falsification of public documents.
Karaman kadagiti nakasoan ni Department of Public Works and Highways (DPWH) District Engineer Ruel Umali ken innem a private contracting companies.
Maibasar iti 27-pages a reklamo, iti baet a naaprubaran, napondoan ken naipatungpal ket kaaddoan kadagiti proyekto ket ghost wenno saan a naipatakder ken substandard.
Karaman pay dagiti dua a flood control projects nga aggatad iti P19.2 ken P6.7 million idiay Barangay 187 (Tala) ken P11.7 million a road construction idiay Barangay 159.
Overpriced pay iti P9.7 million a covered court rehabilitation idiay Barangay 187 a rumbeng nga aggatad koma iti P150,000 agingga P300,000.
Maipalagip nga iti panagdenggeg iti Senate Blue Ribbon Committee idi September 2025 karaman ni Asistio kadagiti sangapulo ket walo nga agpampanday linteg ken DPWH officials nga innaganan ti contractor a ni Pacifico “Curlee” Discaya a mapapati a nangala iti 10% cut iti implementasyon iti flood control projects.
