VIGAN CITY– Ti napintas a kalidad ti bukel ti mais ken dakkel a suporta ti lokal a gobierno kadagiti programa para iti agrikultura ti patien ni Jojo Ayson, Municipal Agriculture Officer ti Burgos, a rason no apay a mapadayawan da manen iti National Quality Corn Achievers award iti maikadwa a gundaway.
Segun kenni Ayson, sumagmamano kadagiti assosasyon iti ili da ket rehistrado iti Security Exchange Commission ken adda ti certificate of good standing na nga isu ti kangrunaan a kasapulan tapno mapadayawan da.
Inpanakkel pay ti municipal agriculture officer a ti Region 1 ti kadakkelan ti maysa kadagiti kadakkelan ti produksyon iti agrikultura iti intero a pagilian nangruna idiay burgos a premium dagit mais isu a napintas ti kalidad na.
