Nakasagana ti Correctional Institution for Women iti isasangpet ni dati a Bamban, Tarlac Mayor Alice Guo kalpasan a nasentensyaan iti tungpal-biag a pannakaibalud gapu iti qualified human trafficking.
Segun ken ni Bureau of Corrections Director General Gregorio Pio Catapang Jr., napaingetan pay ti seguridad ti Correctional Institution for Women idiay Mandaluyong City.
No sumangpet ni Guo, dumalan iti standard procedure ti Correctional Institution for Women agraman ti beripikasion dagiti dokumento ken alikamenna, lima nga aldaw a quarantine, ken kompleto a medical exam.
Kalpasanna, mayakar iti regular dormitory ti Reception and Diagnostic Center para iti 60-day assessment a mangkita iti physical ken psychological needs-na ken mabukel ti individualized treatment plan.
