Saan a naigagara a naisadsad ti BRP Teresa Magbanua idiay Escoda Shoal a kas ti inaramid ti Armed Forces of the Philippine iti Philippine Navy warship BRP Sierra Madre idiay Ayungin Shoal iti laksid ti dua a bulan a deployment iti Escoda Shoal idiay West Philippine Sea.
Inyunay-unay ni Commodore Jay Tarriela a pannakangiwat ti PCG idiay West Philippine Sea, saan nga agbalin a maikadua a BRP Sierra Madre ti BRP Teresa Magbanua.
Ti BRP Teresa Magbanua, maysa a 97-meter multi-role response vessel a naala ti Pilipinas manipod Japan ket flagship vessel iti PCG nga isun iti ka-advance-an ken kanginaan nga asset iti imbentaryo ken sister ship na ti BRP Melchora Aquino wenno MRRV-9702.
Kabayatanna, ti BRP Sierra Madre ket maysa a nadadael a barko a pangranget idi World War II a naigagara a naisadsad iti Ayungin Shoal idi 1999 tapno agserbi a permanente nga outpost iti military.
