--Ads--
Impannakkel ti Bombo Radyo Philippines ti baro manen a balligina kalpasan a magun-odna dagiti dua a kangrunaan a pammadayaw iti 28th Kapisanan ng mga Brodkaster ti Pilipinas Golden Dove Awards, babaen iti flagship station a Bombo Radyo Iloilo.
Nabigbig ti Bombo Radyo Iloilo kas Best AM Station – Provincial, idinto a ti morning news program a Bombo News and Views Morning Edition ket naibilang a Best Newscast – Provincial.
Best Newscast – Provincial: Bombo News and Views Morning Edition
Best AM Station – Provincial: Bombo Radyo Iloilo
Ita a tawen, siam a programa ti Bombo Radyo Philippines ti napili kas finalist iti nadumaduma a kategorya – balligi a mangipakita iti awan sarday a panangtutok ti network iti laingna iti benneg ti broadcast journalism ken public service.
Dagiti finalist manipud iti Bombo Radyo Philippines:
• Best Newscast – Metro Manila: Bombo Network News (BNN)
Best FM Station-Metro Manila: Star FM Manila
• Best Special Program: Star FM Manila ken Bombo Radyo Cauayan
• Best Culture and the Arts Program: Bombo Radyo Iloilo
• Best Science and Technology Program: Bombo Radyo Iloilo
• Best Sports Program: Star FM Baguio
Dagitoy a balligi ti pammaneknek iti dedikasyon ti Bombo Radyo Philippines iti panangipaay iti dekalidad ken napnuan kaes-eskan a programa.
Saan laeng daytoy a bunga iti gaget ken kinalaing dagiti tattao iti likudan ti mikropono, no di ket sagut pay para kadagiti listener, viewer ken dagiti mangsubsubaybay iti intero a pagilian iti nadumaduma a paset ti lubong.
Download
