Nagballaag ti Bureau of Customs (BOC) iti publiko kontra iti “love scams” a mangbiktima babaen ti panagbayad iti kuarta tapno maikkan ti parcel wenno regalo.
Segun ti BOC, usaren dagiti scammer iti nagan ti ahensia tapno maibaga a legit iti pautangda kadagiti biktimada ken masapul nga agbayadda sakaby a mairuar ti package.
Ti modus ket mangrugi babaen ti introduction a maaramid iti social media, messaging applications wenno online dating platforms.
Apaman a maalada ti talek ti biktima, i-claim ti scammer a nagipatulodda iti regalo manipod abroad kas iti alahas, gadgets, kuarta wenno dadduma pay a high-value items. No dadduma ket patulodanda nga umuna ti biktima iti bassit ken legitimate parcel tapno maala ti talekna.
Tapno agbalin pay a nakapap-papati ti scheme, agusar dagiti scammer iti peke a resibo, shipping documents tracking record ken uray counterfeit tracking websites.
