Naisanud iti naituding a panagdenggeg koma inton April 14 iti Senate Blue Ribbon Committee maipanggep iti maanomalia a flood control projects, kalpasan a napaay a nangipasa iti affidavits ni dati nga Ilocos Sur Governor Luis Chavit Singsong ken pagkurangan ti pirma iti partial committee report.
Segun ken ni Senate President Pro Tempore ken Blue Ribbon Committee chairperson Panfilo “Ping” Lacson, posible a maituloy iti panagdenggeg no makaipasa ni Singson uray draft laeng iti sinapataanna a sarita ken no manayunan iti lima a pirma iti partial report tapno maipresentar iti plenaryo.
Iti surat ni Lacson ken ni Singson, kinunana a kaapulan nga isanud ti panagdenggeg agingga a maipasa iti affidavit nga adda nayonna a dokumento.
Inikkan ti komite ni Singson iti agingga Abril 7 ngem awan iti naawatda a sungbat.
Kabayatanna, uppat pay laeng ti miembro ti komite a nagpirma iti partial report, kurang pay iti lima para iti kasapulan a siam a pirma tapno maipresentar iti Senado.
Iti baet dayta ket kinuna ni lacson nga ad-adalenna nga agipila ti maysa a Chairman’s Report ken ipasa daytoy iti Office of the Ombudsman karamanen dagiti dokumento, transcript ken ebidensya a nakalap iti saan a nababbaba iti pito a panagdenggeg tapno makatulong iti agtultuloy nga imbestigasyon.
