VIGAN CITY- Nagtugawen kas acting mayor ti Cabugao ni Vice Mayor DJ Savellano idi February 26 ta nagdesisyon ti Department of Interior and Local Government – Region 1 nga ideklerar a “temporarily incapacitated” ni Mayor Josh Eduard Cobangbang a mangidaulo ti ili gapu ti pending warrant of arrest na iti kaso a serious illegal detention ken grave coercion, kadua na dagiti sumagmamano nga opisyal ken empleyado iti munisipyo.
Idi February 26 ket ni DILG provincial Officer Virgilio Sison iti mismo a nangipakaammo ti temporary take over ni Vice Mayor Savellano iti nasao a posisyon maibasar iti bukod a panagsukisok ken panangadal ti ahensya iti kasasaad ti mayor ti ili.
Maibasar ti Section 46- A ti Local Government Code of the Philippines a nu ti gobernador, mayor wennu barangay chairman ket saan na a kabaelan a tungpalen dagiti responsibilidad na gapu ti pisikal wennu legal a rason ket agtugaw ti bise gobernador, bise mayor ken kangatoan a barangay kagawad kas OIC.
