Inyatiddog pay ti Bureau of Internal Revenue (BIR) ti deadline iti panagipila ti buwis, panagbayad ken panagipasa kadagiti dokumento para kadagiti taxpayer a nakarehistro iti Revenue District Offices iti General Santos City, Sarangani, ken South Cotabato.
Iti salinong ti Revenue Memorandum Circular No. 62-2026, nayatiddog ti deadline ti dati a naituding a June 8 agingga 29.
Segun ti BIR, saan a mapatawan ti penalty, surcharge ken interest dagiti taxpayer a sakup iti circular no laketdi maisayangkat ti panagipila ti tax returns, panagbayad ken panagipasa kadagiti dokumento iti uneg iti nayatiddog a panawen.
Nabilin payen dagiti maseknan a Revenue Region ken Revenue District office kadagiti apektado a lugar nga adalen dagiti pasilidadda ken siguradoen a natalged ken operational dagitoy sakbay nga ituloy ti regular nga operasyon.
Maipalagip a magnitude 7.8 a ginggined iti nangdayyeg idiay Sarangani idi Lunes a nangapektar iti agduduma a paset idiay Mindanao.
