--Ads--
VIGAN CITY- Ti bimtak a bombilya iti kusina ti nakita dagiti kameng ti Bureau Of Fire Protection a nagtaudan ti apoy a nangkayamkam iti bodega iti pagtaengan da Jerilyn Tigna idiay San Julian Sur, Vigan City.
Segun kenni Fire Officer 3 Rommel Amano ti BFP-Vigan, naingpis ti bombilya a nausar iti nasao a pagtaengan isu a bimmara ken nadaras a nagkayamkam ti apoy ta ti bodega ket naglaon kadagiti badbado ken papeles.
Awan ti nadangran iti napasamak ket imimbestigaran pay laeng dagiti otoridad ti gatad dagiti sanikua a nadadael.
Mainaig dayta, inbalakad ni Amano a saan nga agusar kadagiti naingpis a bombilya ta bumtak no agpatpatnag a nakagangat ken saan nga agusar kadagiti awan ti ICC sticker na tapno maliklikan ti uram.
-- ADVERTISEMENT --
