VIGAN CITY – Bimmaba ti bilang ti teenage pregnancy iti probinsia iti panawen ti 2023-2024 kas pinasingkedan ni Francis Gerard Dacanay, Provincial Population Officer.
Iti pannaki-uman ti Bombo Radyo Vigan ken ni Dacanay, gapu dayta iti partnership a nabukel kadagiti amin nga opisina ti gobierno-probinsial kas iti local youth development office ta saan laeng nga akman ti maymaysa nga opisina ti addang a maaramid tapno maliklikan ti nasapa a panagsikog dagiti teenager.
Impanakkel ni Dacanay a daytoy ket bunga iti pannakairaman dagiti nadumaduma a sektor a mangiyadal kadagiti tattao manipud iti Local Government Unit tapno masanayda a maamuan no kasano a maksayan ti bilang dagiti masiksikugan iti nasapa.
Inyunay-unay ti opisial kadagiti nagannak a saan a solusyon ti panagpakasar dagiti annakda a masapa a masikugan nangruna ta saanda pay met a nakasagana isu a nasaysayaat no pagbasaenda pay laeng ida iti kasta a tawenda.
