Umaboten iti 150 ti bilang dagiti natay gapu iti Severe Tropical Storm Kristine ken Super Typhoon Leon.
Segun iti National Disaster Risk Reduction and Management Council, duapulo ket siam a tattao ti mapukpukaw ken 115 ti nadunor.
7,494,023 ti inapektaran dagiti dua a bagyo, katukad iti 1,892,226 a pamilia kadagiti sangapulo ket pito a rehion.
Kaaduan kadakuada ket manipud Bicol nga adda 2,684,154 a naapektaran, sarunwen ti Central Luzon a 1,092,750 ken Calabarzon a 752,793.
330,649 a tattao wenno 85,536 a pamilia ti nagtalinaed kadagiti evacuation center idinto a 429,483 a tattao wenno 87,617 a pamilia ti kimmamang kadagiti sabali a lugar.
Simrek ti bagyo Kristine iti Philippine Area of Responsibility idi October 21 ken nag-landfall iti Divilacan, Isabela idi October 24 idinto ta rimuar iti PAR idi October 25.
