--Ads--
VIGAN CITY-Nagtriple ti bilang dagiti kliyente idiay Land Transportation Office (LTO) -Vigan district office para kadagiti nadumaduma a transaksyon kas iti panagapplikar ken panagpabaro ti lisensya ken panagparehistro ti lugan manipud idi naideploy dagiti deputized police officer a katulungan ti LTO iti panangipatungpal ti linteg iti trapiko.
segun kenni Bong Pilar iti LTO-vigan, iti agdama ket umabot iti nakurang 200 dagiti agap-applikar ken agrenrenew ti lisensya kada aldaw manipud iti dati a nasurok 50 laeng isu a no dadduma ket maibusan da pay ti card.
Iti met biang ti pagparehistruan ti lugan ket nangituding dan ti qouta a kabaelan da a maakomodar iti kada aldaw a nasurok 50.
