Umabot pay laeng iti 201 ti bilang dagiti aplikante para iti Barangay and Sangguniang Kabataan Elections iti Vigan City, Ilocos Sur.
Ti nasao a bilang ket manipud iti October 20, 2025 a nangrugian ti registration agingga iti bulan ti December idi napan a tawen.
Iti pannaki-uman ti Bombo Radyo Vigan ken ni City Election Officer Atty. Leonila Fortuna, kiddawenna a gundawayanen dagiti interesado nga agparehistro ti panawen a naited gapu iti kapaliiwanna a kadagiti maudi nga aldaw ket isunto laeng ti kaadu dagiti mapan.
Kunana pay a simple laeng ti wagas ti panagparehistro ta kasapulan laeng ti ID, form, ken biometrics.
Inton bigat, January 14 ket batang ti Barangay Beddeng Laud, January 16 ti Pantay Daya, January 29 ti Vigan National High School East, Vigan National High School West idi February 27 ken Ilocos Sur National High School inton March 5.
Agpatingga laeng inton November 18 ti panagparehistro idinto a ti Barangay and Sangguniang Kabataan Elections ket naituding inton November 2, 2026.
