Umaboten iti tallopulo ket maysa a contractor nga imimbestigaran ti Commission on Elections wenno Comelec a nangted ti donasyon kadagiti kandidato idi 2022 elections.
Dayta iti pinasingkedan ni Comelec Chairperson George Erwin Garcia bayat ti budget hearing iti House Committee on Appropriations para iti proposed 2026 National Budget.
Segun ken ni Garcia, agtultuloy iti panangadal ti Political Finance and Affairs Department babaen iti panangsimpa iti naipasa nga Statement of Contributions and Expenditures dagiti kandidato.
Nagkedked met ni Garcia nga iruar pay laeng ti nagan dagiti kontratista ta kasapulanda pay nga i-verify iti Department of Public Works and Highways (DPWH) nu adda iti naalada a kontrata iti gobierno iti panawen ti panagipila ti Certificate of Candidacy wenno COC dagiti kandidato.
