VIGAN CITY – Maragsakan ni Dr. Norma Esguerra, Dean ti College of Engineering ti University of Northern Philippines ti resulta iti naisayangkat a Geodetic Engineering Licensure Examination agsipud ta adu dagiti nakapasa kadagiti graduates da.
Segun kenni Esguerra, sangapulo ket lima manipud ti tallo pulo ket pito wennu sangapulo ket innem a porsyento kadagiti first takers iti nakapasa a nangat-ngato ngem ti national passing rate idinto a 16.67 a porsyento met dagiti nakapasa a re-taker.
Kinunana, ti adu a bilang dagiti nakapasa iti board exam para kadagiti geodetic engineers ket pakakitaan a napintas iti panangisuro ti College of Engineering kadagiti estudyante da.
Ti UNP ket isu laeng ti pagadalan a mangididiaya ti kurso a geodetic engineering iti intero a rehion.
