Agtultuloy ti panangiwayat ti Bureau of Fire Protection-Ilocos Sur iti kampanyada nga OPLAN PAALALA Iwas Paputok ita nga umadani ti paskua ken baro a tawen tapno maliklikan ti posible nga uram.
Iti pannaki-uman ti Bombo Radyo Vigan ken ni Fire Senior Superintendent Ramel Borja, Provincial Fire Marshal, namnamaenda a kadagiti sumarsaruno nga aldaw ket agbalin pay a naannayas ti panangisayangkatda.
Pinalagipanna dagiti umuli nangruna kadagiti adda christmas lantern na nga iddepen ken ikkaten ti saksakanna no maturog tapno saan nga agoverheat a mabalin a pakaigapuan ti uram nangruna no dagiti naingpis laeng ti wayana.
Kadagiti met agus-usar iti kandela, masapul a kitaen a nalaing ti pagidisdiswan ket mangisagana latta iti danum a pangdepdep no bilang.
Iti agdama, agtultuloy latta ti panangliklikmot dagiti fire truck ti BFP kadagiti nadumaduma a paset ti probinsia ken makikamkammayetda kadagiti local government unit para iti deployment dagiti kamengda.
