Nangipila ni Senador Loren Legarda ti Senate Bill No. 2020 wenno ti maaw-awagan a Bayanihan 3: Power to the People Act, maysa a gakat a gagem na risuten ti epekto ti world crisis ti langis ken mangted ti dagus atulong kadagiti Pilipino.
Iti salinong ti gakat, mabigbig ti national emergency ken maikkan ti gobierno ti bileg a mangipatungpal ti addang tapno mapababa ti presio ti langis ken kuryente, kasta pay ti naan-anay a suplay ti taraon, ken mangted ti direkta a tulong kadagiti apektado a sektor.
Ibilin ti gakat dagiti kompania ti langis nga agbalin a nakalukat iti operasion da babaen iti panagirruar ti detalye mainaig iti presio, gastos, imbentario ken suplay tapno maliklikan ti saan a nainkalintegan a panaggaraw ti presio.
Mapalubosan pay ti temporario a panagkissay wenno suspension ti excise tax ken zero Value Added Tax iti produkto petrolyo, kagiddan ti kondision a direkta a marikna dagiti consumer ti epekto iti presio ti merkado.
