Kwinestyunaran ni Senate Minority Leader Alan Peter Cayetano ti addang ti Department of Public Works and Highways (DPWH) a mangisayangkat ti baro a beripikasyon iti mapapati a ghost project idiay Taguig uray immunan a pinasingkedan ti ahensia nga awan ti nadakamat a ghost projects iti siudad.
Segun ken ni Cayetano, mangnamnama isuna a takderan ni DPWH Secretary Vince Dizon iti immunan a nagbalin a resulta iti beripikasyon iti ahensia.
Kinuna ti senador a tallo a daras a sinigurado kenkuana ti secretary a napaneknekanna nga awan ti ghost projects idiay Taguig.
Impaganetget ni Cayetano nga awan ti kaes-eskan ti panangiduron ti Senate Blue Ribbon Committee hearing kadagiti irregularidad iti flood control projects no baybay-anna laeng iti aniaman nga isyu iti bukodna a masakupan.
Sinublian ti senador iti singasingna idi deliberasion ti budget iti DPWH nga alaan ti ladawan ti government infrastructure projects manipod groundbreaking agingga malpasan ti konstruksion tapno nadardaras a mabigbig no adda ghost project ken mapapigsa ti transparency iti panangipatungpal kadagiti proyekto.
