Inaprubaran ti Office of the Ombudsman ti pannakaipila ti baro a kaso kontra kada dati a Budget Usec Christopher Lao ken dadduma nga opisial ti Pharmally Pharmaceuticals Incorporated gapu iti panaglabsing iti Anti-Graft and Corrupt Practices Act gapu ti naanomalya a panaggatang iti P4.4 bilion a gatad ti medical supplies idi 2020.
Iti resolusyon nga inaprubaran ni Ombudsman Samuel Martirez, karaman a makasoan dagiti sangapulo ket tallo a kameng ti Department of Budget and Management – Procurement Service gapu iti panangpeke.
Dagiti sangapulo ket tallo a kameng ket pinekeda dagiti dokumento tapno makagatang kadagiti surgical mask, personal protective equipment ken dadduma pay a Covid19 supply.
May 2024 idi pinabileg ti Ombudsman ti desisyonda a daytoy idi 2023 a nangipila iti agtutuon a bilang ti kaso a kinaanomalya da Lao ken Pharmally official gapu iti P4 bilion a gatad ti RT PCR Covid19 test kits.
