--Ads--
Maisagsaganan ti kaso nga Illegal Discharge of Firearm kontra iti maysa a Barangay Kagawad a nagpaputok iti paltog idiay Barangay Turod Patac, Cabugao, Ilocos Sur.
Nabigbig ti suspek a ni Albert Azcueta Bañez, agtawen iti uppat a pulo, taga-Barangay San Ramon, Magsingal.
Nagreport da Barangay Captain Leo Rommel Tabaco Taberna kadua dagiti dua a barangay kagawad iti Cabugao Police Station nga iti alas sais kwarenta iti rabii ti Enero 22, 2025 ket imputok ti suspek ti paltogna iti namin-adu a daras iti kayo ti mangga nga adda iti likudan ti matartarimaan a balay iti nasao a barangay.
Tinurong dagiti pannakabagi ti linteg ti insidente ket narekobre ti siam a fired cartridges cases ti 9mm pistol.
-- ADVERTISEMENT --
