VIGAN CITY – Maysa a barangay kagawad ti pimmusay ta napaltogan idiay Brgy. Bolbolo, Pilar, Abra.
Nabigbig ti biktima a ni Marlon Tabaday Tanurio agtawen ti lima pulo ken agnaed ti nasao a barangay.
Basar ti report manipod Pilar Municipal Police Station, nagturong da iti nasao lugar idi makaawat ti report nga adda iti napasamak a pammaltog ket nasarakanda ti bagi ti biktima nga awan iti biagna iti katrena a dara-dara.
Rimmuar ti imbestigasyon nga 12:30 iti tengga ti rabii kabayatan a matmaturog nakangeg ni Nurie Sobremonte Is-isa agtawen ti uppat a pulo ket uppat iti putok ti paltog agingga riniiing na ti live in partner na ngem nakitana nga agararuyot ti dara manipod ti ulo ti biktima.
Ti agdama agtultuloy ti imbestigasyon ti kapulisan inaig iti napasamak a pammaltog kenni Kagawad Marln Tabaday Tanurio.
