Naragsak nga inawat ti National Task Force to End Local Communist Armed Conflict (NTF-ELCAC) ti naisingasing a pannakailatang ti ₱8.1B iti salinong ti 2026 National Expenditure Program (NEP) para kadagiti 808 a barangay a dati a naapektaran ti armado a panagraut.
Segun ken ni Executive Director Undersecretary. Ernesto C. Torres Jr, ti gakat ket kas maisurot iti kari ni Presidente Ferdinand R. Marcos Jr. nga “inclusive development”.
Ti Barangay Development Program (BDP) ket mabigbig a kangrunaan a programa ti NTF-ELCAC a mangted serbisio kadagiti barangay a nadalus iti impluwensia ti Communist Party of the Philippines, New People’s Army, ken National Democratic Front.
Impaganetget ti NTF-ELCAC nga agtultuloy ti panagdur-as tapno matungpal ti misyon nga awan ti mabati a komunidad.
