--Ads--
VIGAN CITY – Nangiyetnag ti executive order ni Santa Mayor Jesus “Popoy” Bueno a mangipalubos kadagiti barangay captain ken dagiti tanod ti tunggal barangay a mangkemmeg kadagiti siasino man nga aglabsing kadagiti pagannurotan inaig ti naipatungpal nga enhanced community quarantine.
Ti pammilin ti mayor ket kas panangsurot kadagiti paglintegan tapno maparmek ti panagwaras ti coronavirus disease ken tapno madisiplinaan ti tunggal bumarangay a para met laeng iti pagsayaatan iti tunggal umili.
Responsibilidad ti tunggal kapitan a mangkita ti pangipupukan kadagiti nasukir a kalugaran da.
Kabayatanna, nu dagiti menor de edad iti makemmeg da nga aglabsing ket temporaryo a maipaimada kadagiti barangay council.
