Aminado ni Associate Justice Amy Lazaro-Javier a narigrigat iti bar examination iti Pilipinas nu yarig iti dadduma a pagilian.
Ti nasao a banag ket gapu ta ti Pilipinas laengen iti nabatbati a pagilian nga agar-aramat iti tradisyonal a wagas iti panangisayangkat ti exam para kadagiti kayatna iti agbalin nga abogado.
Impaganetget ni Justice Lazaro-Javier a dagiti saludsud iti bar exam kangrunaan dagiti problem-solving questions ket masapul a sungbatan babaen ti panagaramid iti essay.
Dayta ket naidumduma kumparar ti multiple choice format a masansan nga ar-aramaten dagiti dadduma a pagilian para iti bar exam-da.
Kinuna ni Justice Lazaro-Javier a ti sakup ti bar examination iti Pilipinas ket nalawlawa ken komprehensibo no yarig iti dadduma pay a licensure examinations nga isaysayangkat pay iti pagilian.
