VIGAN CITY – Mangrugin ti panangbirok ti gobierno ti Thailand ti baro a kabisera gapo ti pangta a lumnedton ti Bangkok kadagiti sumarsaruno a tawen.
Ti addang ket kalpasan a kinuna ti senior official ti Thailand’s Climate Change Office a dagiti nababa a siudad iti paset ti Bangkok ket posible alumned sakbay nga agleppas ti maysa siglo isu a posible a saan nga agnanayon a ti Bangkok ti agserbi a capital ti pagilianda kadagiti sumarsaruno a panawen.
Manarimaanen ti saritaan dagiti opisyal ti gobierno inaig ti pannakaiyakar ti kabiserada malaksid iti panangpatakderda ti seawall a panglaban ti layos.
Segun kadagiti eksperto, masansan ti river flooding iti kabisera ket lumlumned ti siudad iti tunggal tallo a sentimetro iti kada tawen.
Innayon dagiti eksperto a kaadoan a lugar iti Bangkok ket posible a limneden agingga tawen 2030 gapu iti extreme sea level rise ken kinuna ti World Economic Forum a mabalin nga interamente ti Bangkok ket mawaswas iti mapa agingga tawen 2100.
