--Ads--
VIGAN CITY – Nasarakan ti bangkay ti maysa a PWD nga agtawen ti tallo pulo ket walo idiay karayan a sakupen ti Sitio Ida, Brgy. Patoc-ao, Suyo.
Nabigbig ti biktima a ni Ernesto Guadna Saydoquen, single ken agnaed ti nasao a barangay.
Basar ti Report manipod ti Suyo Municipal Police Station, agruprupsan a nasarakan ti bagi ti biktima a naireport a mapukupkaw idi August 6 ti agdama a tawen ken mapapati a naiyanod kabayatan iti panagdalyasatna ti karayan idi kapigsa iti tudo.
Nasarakan da Kelvin Lang-ay Del Rosario ken Roden Badungan Lagudin ti bagi ti biktima kabayatan iti panagbanniitda ti nasao a karayan.
-- ADVERTISEMENT --
