VIGAN CITY – Nakasangpeten ita rabii , February 15 iti pagilian ti bangkay ni Wilma Teczan a natay gapo iti gingined idiay Turkey.
Isuna ket maysa kadagiti dua a Pilipino a natay iti nadakamat a pagilian.
Kadwa dagiti kameng iti Department of Foreign Affairs ken OWWA ti ama ni Wilma ken dagiti kaanakanna a simmabat iti bangkay idiay Naia terminal 3.
Saan met a nakaawid ti asawa ni Wilma a maysa a Turkish ta napukaw iti passportna gapo iti napasamak a gingined.
Nupay kasta, pagyamananna ti pamilya ni Wilma a naiyawid ti bangkay na iti Pilipinas ket gapo ta muslim ti biktima ,kiddaw ti asawa na a maitabon a sigod kas maiyannatop iti tradisyonda.
Basar iti report of death manipud iti Philippine Embassy idiay Turkiye, Head and Chest trauma ti inpatay ni Wilma.
Inaig dayta, agpanpanawagan ti pamilya ni Wilma ti tulong para iti gastusen da.
