--Ads--
Nayawiden iti pagilian ti bangkay ti maysa a Pilipina a natay iti aksidente idiay Germany, segun iti Overseas Workers Welfare Administration (OWWA).
Naisangpet ti bangkay a nailugan iti Turkish Airlines flight TK0084 manipud Munich ken sinabat met ti naulila a pamilia kaduada dagiti opisial ti OWWA ken Department of Migrant Workers (DMW).
Nakikammayet ti DMW ken OWWA iti Department of Foreign Affairs, Philippine Consulate General idiay Frankfurt, ken kadagiti otoridad idiay Germany tapno maasikaso dagiti dokumento ken repatriation iti bangkay.
Impasigurado ti OWWA nga agtultuloy ti pannakaipaay ti tulong, impormasion, ken tarabay iti naulila a pamilia babaen iti maseknan a Regional Welfare Office.
-- ADVERTISEMENT --
