--Ads--
Nangipasa ti Filipino band a Cup of Joe iti kantada a “Sandali” kas pambato iti kategorya a Best Asian Pop Performance para iti 2027 Grammy Awards.
Segun iti grupo, ti kanta ket maipanggep iti panagkalikagum iti ad-adu nga oras kadua dagiti tao a napateg iti biagda, idinto a nagyaman pay met ida iti agtultuloy a suporta dagiti fans-da.
Manamnama a maiwaragawag dagiti nominado inton Nobyembre 16, 2026, kabayatan a naituding a maisayangkat ti awarding ceremony inton Pebrero 7, 2027 idiay Los Angeles, California.
Karaman pay kadagiti Pilipino artist a nangipasa kadagiti kantada para iti nasao a pammadayaw ti BINI, SB19, Ben&Ben, Janine Berdin, Maymay Entrata ken dadduma pay.
-- ADVERTISEMENT --
