Maysa a bangkay ti lalaki nga adda dunor iti pammagkong ti bagina ti naiwalang iti nagbeddengan ti Mira-Cabaroan, Bantay, Ilocos Sur.
Nabigbig ti biktima a ni Clavel Estigoy, agtawen iti limapulo ket innem, taga-Barangay Naguilian, Caoayan.
Iti pannaki-uman ti Bombo Radyo Vigan ken ni Police Captain Donaldson Pagalanan, ti bangkay ket nakita a nakapakleb ti maysa a nag-jogging iti nasao a kalsada itay alas syete iti agsapa.
Nagsagaba daytoy iti sangapulo a dunor iti pammagkong iti bukotna agraman ti teltel.
Adda suotna daytoy a reflectorized vest ken makumkumpirmaran no kukuana ti maysa a motorsiklo a nakita iti met laeng nasao nga ili.
Segun kadagiti agindeg iti lugar, alas onse idi rabii (March 10) ket nakadlawda iti maysa a kurong-kurong a limmabas a dagus met laeng a nagsubli.
Iti agdama, imbestigaran dagiti pannakabagi ti linteg no asino ti suspek ken no ania ti motiboda iti krimen.
