Naitabonen itattay dagiti walo a biktima iti mapapati nga extra judicial killings iti war on drugs iti Duterte administration idiay Caloocan City.
Naisayangkat iti inurnment ceremony idiay Dambana ng Paghilom idiay La Loma Catholic Cemetery iti nasao a siudad a dinar-ayan dagiti kameng ti pamilia dagiti biktima.
Segun ken ni Kiko Aquino Dee a co-convenor ti Buhay ang People Power Campaign Network, nalawagen ti panagawat iti publiko iti kadagsen ti kaso ita a nabigbigen ti International Criminal Court ti tallo a bilang a panangpatay iti uppat a pulo ket tallo a biktima ti drug war.
Kinunana a ti nasao a banag ket mangibagi iti rinibo a apapatay idi panawen ti tokhang.
Iti baet a makapadanag iti pannakaitantan ti proceedings kontra ti dati a presidente ket dandanin magun-od ti hustisya ken manamnama nga agtultuloy pay iti panagdenggeg ti confirmation of charges kontra iti dati a presidente.
