VIGAN CITY– Inlawlawag ni Bamban Tarlac Mayor Alice Guo a dina ammo idi damo dagiti criminal records dagiti foreign business partners na kas inpakaammo ni Senador Risa Hontiveros .
Kinuna ni Mayor Guo a naamoanna laeng dagiti rekordda babaen iti social media.
Immunan nga inpakaammo ni Sen. Hontiveros a dagiti incorporators pakairamanan da Guo, Rachel Joan Malonzo Carreon – maysa a Filipino; ni Zhiyang Huang a taga Cyprus; Zhang Ruijin – maysa a Chinese kenni Baoying Lin maysa a Dominican ket karaman iti kadakkelan a money laundering case idiay Singapore idinto a ni Baoying Lin ket adda Criminal chargesna.
Kabayatanna, sinungbatan ni Comelec Chairman George Erwin Garcia ti damag ni Senador Risa Hontiveros nu ania ti mabalin a maipataw kenni Mayor Guo nu mapanekenkan a peke ti birth certificatena.
Segun kenni Garcia, nu mapaneknekan a peke ti birth certificatena, maidalan iti ground for cancellation ti kandidatura ni Guo numan bilang agpaidasig manen iti eleksyon.
