VIGAN CITY- Impatangken ni Bamban, Tarlac Mayor Alice Guo nga awan ti kainaigan ken koneksyonna iti aniaman a Philippine Offshore Gaming Operators (POGOs) kasta pay dagiti ilegal nga operasyon pakairamanan ti panangraot iti Zun Yuan Technology Incorporated a naireklamo ti human trafficking ken illegal detention.
Segun kenni Atty. Nicole Jamilla, abogado ni Mayor Guo, saan a responsibilidad ti mayor ti POGO no diket ti Philippine Amusement and Gaming Corporation (PAGCOR) nga isu iti nangi-regulate.
Innayonna nga awan ti bileg ti Local Government Unit kadagiti operasyon ti POGO ta iggem met ti PAGCOR nga isupay ti nangited ti lisensya tapno makapag-operate.
Inlawlawag pay ni Atty. Jamilla a limitado ti responsibilidad ti LGU iti panangipaay iti business permits iti administrative duties no sadino a saan a sinalungasing ni Mayor Guo ti RA 3019 wenno ti Anti Graft and Corrupt Practices Act basar iti reklamo iti Office of the Ombudsman.
Innayonna nga awan ti inaramid ni Mayor Guo a katukad ti manifest partiality ken gross inexcusable negligence a maysa nga elemento iti panaglabsing iti Anti-Graft and Corrupt Practices.
