Kalikagum ti Carlitos Joe Corrales manipud ili ti Narvacan a madepensaran ti panagbalinna a gold medalist iti Badminton event ti 2025 Palarong Pambansa nga ita a tawen ket maangay idiay Ilocos Norte.
Iti pannaki-uman ti Bombo Radyo Vigan ken ni Corrales, pressure kenkuana ti panagbalinna a gold medalist idi napan a tawen ket gagemna manen ti agballigi.
Saanna a kayat ti agpakampante a magun-odna ti medalya ngem iti panunotna ket nakasagana a lumaban, agpokus iti training, ken ikkatenna ti danag a marikriknana.
Pinagyamanan met ni Corrales dagti nangtulong kenkuana a makagteng iti nasao nga sports competition ken naibagana a ti kaadda dagiti nagannakna ti maysa kadagiti inspirasyonna a mangabak.
Naituding a lumaban ni Corrales inton Mayo 26 nga isu ti pormal a panaglukat dagiti ay-ayam iti kompetisyon.
