VIGAN CITY – Maysa a backrider a lalaki ti pimmusay ta kitugtaranda iti motorsiklo iti padada a motorista idiay Brgy. San Jose, Narvacan.
Nabigbig ti pimmusay a ni Mhalik Almerino a naipurwak iti concrete fence kalpasan a saan a nakontrol iti driver iti motorsiklo a naglugananda ti manibela.
Basar ti report manipod Narvacan Municipal Police Station, agpada nga agpapadaya a direksyon ti maysa a Gray Yamaha Mio a naglugananda Alexon Jan Adolacion agtawen sangapulo ket walo ken kalubbonna a ni Arvin Capela ket adda iti saanda a panagkinnawatan ti maysa pay a Euro a motorsiklo a naglugananda ti pimmusay a minaneho ni Jimboy Gumarang agtawen sangapulo ket walo ken maysa pay a kadduada a menor de edad nga agtawen sangapulo ket lima.
Mapapati a kinugtaran ni Jimboy ti motorsiklo a naglugananda Adolacion ken Capela ngem isuda ti naaksidente a puon iti pannakaipurwak ni Almerino ti concrete fence.
Naipan dagiti biktima iti Ilocos Sur District Hospital Narvacan ngem naideklara a dead on arrival ni Almerino babaen ti attending physicanna.
