Natay ti maysa a backrider gapu iti panagdinnungpar ti naglugananna a motorsiklo ken ti bisikleta a nagballasiw iti iberation Blvd, Brgy. San Julian Sur, Vigan City, Ilocos Sur.
Ti Red Rusi motorcycle ket minaneho ti agtawen-iti-duapulo ket pito a construction worker a taga-Tay-ac, Bantay idinto a ti backrider ket agtawen iti duapulo ket pito, taga-San Jose, Vigan City.
Ti met nagbisikleta ket maysa a barangay tanod nga agtawen iti tallopulo ket walo, taga-San Julian Sur, iti nasao a siudad.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., Chief of Police ti Vigan City Police Station, agpapalaud ti motorsiklo idin ta bigla a bimmallasiw ti bisikleta a puon ti nagdinnungparanda.
Nadunor ti paset ti bagi dagiti karaman ngem ti backrider ket saanen a nakalasat.
