VIGAN CITY – Uppat a tama ti paltog iti poon iti nakatayan ni Lydia Pingen Pespes nga agtawen ti uppay a pulo a taga- San Julian West, Bantay nga aglaklako iti tiyendaan idiay San Vicente a pinaltugan dagiti saan pay nabigbig a suspek idi alas otso singko idi rabii idiay Zone 4, Bantay.
Maibasar iti inisyal a panagsukimat dagiti otoridad, nakalugan iti motorsiklo ti biktima nga agpapadaya a direksyon iti nasao a kalsada idi nakadanun iti nakapasamakan iti krimen, adda ti nangpalto-paltog kenkuana iti mamin-adu a daras a nakatamaan iti naduma-duma a paset iti bagi na.
Naitaray ti biktima iti kaasitgan nga ospital babaen kadagiti nagresponde a kameng ti PNP ngem naideklerar a dead on arrival babaen iti doctor a nangtaming kenkuana.
Ti agdama, agim-imbestigar pay laeng dagiti kameng ti Bantay municipal police station nu siasino dagiti suspek iti pammaltog ken nu aniya ti motibo na.
