--Ads--
Mapukpukaw ni Luzviminda Petina Ayson, agtawen iti limapulo ket uppat, taga-Barangay Poblacion, San Esteban, Ilocos Sur, adda parikut ti panagpampanunotna.
Nagreport ni Rona Estrada Ayson, agtawen iti duapulo ket uppat iti San Esteban Police Station tapno ipakaammo a mapukpukaw ti ikitna.
Segun ken ni Ayson, pimmanaw ti ikitna iti pagtaenganda iti alas nuebe iti agsapa ti Setyembre 12 ken saan pay a nagawid agingga ita.
Setyembre 13 iti agsapa, nakaawat dagiti kabagyanna iti tawag a nakitada ti ikitna idiay Tagudin isu a napanda sinapul ngem saanda a nasarakan.
-- ADVERTISEMENT --
Ti mapukpukaw a tao ket ababa ti buokna, 5’1 ti katayagna, kalalaingan ti kudilna, nakasuot iti gray sando ken gray short idi naudi a nakitada.
