Mapukpukaw ni Irish Jenniefer Ceon, agtawen iti duapulo ket siam, taga-Barangay Mabilbila Norte, Santa, Ilocos Sur.
Nagreport ti ina ti mapukpukaw a ni Girlie Ramos Ceon, agtawen iti limapulo ket dua iti Santa Police Station a ti anakna ket mapukpukaw.
Segun ken ni Ceon, naudi a nakitana ti anakna iti alas dos kwarenta y otso iti rabii ti August 18, 2024 iti uneg ti kuartona idin ta nadlawna nga awan ngem impagarupna met nga adda laeng napananna.
Alas singko iti malem, naka-chatna ti anakna nga adda iti Vigan City ket agawidto ngem saan metten a nakaawid ken saanen a ma-contact ti cellphone na.
Innayonna pay a nakitana a limmabas ti anakna iti karrubada iti alas tres y media iti malem iti isu met laeng nga aldaw, maibasar iti naala a CCTV footage.
Sinapulda ti anakna ngem saanda a nasarakan.
Ti mapukpukaw ket 4’10 ti katayagna, kalalaingan ti kulayna, atiddug ti buokna, nakasuot iti white tshirt, denim pants ken yellow a mickey mouse ballcap.
Nagpanawagan ti pamiliana a no nakitkitada ti anakna ket ipakaammoda iti Santa Police Station.
