Nakemmeg ti maysa a babai a nangusar iti peke a P1,000-bill a pinaggatangna iti maysa a panganan idiay Barangay San Nicolas, Candon City, Ilocos Sur.
Ti biktima ket babai nga agtawen iti tallopulo ket maysa, owner iti eatery, agnaed iti nasao a lugar.
Ti met suspek ket babai nga agtawen iti uppat a pulo ket pito, agnaed iti Barangay Maharlika, Taguig City.
Maibasar iti imbestigasion, gimmatang ti suspek iti 3 a piraso ti manok ken 3 a serving ti innapoy nga aggatad iti P180.
Nagbayad ti suspek iti P1,000 ket idi awaten daytoy ti biktima, nagbalaw a peke isu nga insublina a dagus iti suspek.
Binagaan ti biktima ti suspek a maireport ti kapulisan ti inaramidna isu a dagus met a naglibas.
Nagpatulong ti biktima iti traffic aide a nagresponde iti pasamak agingga a ti suspek ket nakemmeg ken naikustodia kadagiti pannakabagi ti linteg.
