Australia, nakairekord iti kaunaan nga strain ti bird flu

Nakairekord iti kaunaan a gundaway ti Australia iti H5N1 strain ti bird flu.

Segun iti agriculture ministry ti Australia, nadiskubre daytoy iti migratory seabird a brown skua idiay Western Australia.

Nasarakan ti billit iti kabaybayan ti Cape Le Grand National Park asideg iti ili ti Esperance.

Ti Australia idi ti kakaisuna a kontinente a saan a maap-apektaran iti H5N1 bird flu strain.

Napaspas a nagwaras ti strain kadagiti poultry ken iti lugar nga adu dagiti wild bird.