Inkalintegan ti kampo ni Bise Presidente Sara Duterte a ti impeachment trial ken adda dakkel nga implikasion na saan laeng nga iti bise presidente ngem uray iti mandato nga intalek kaniana ti minilyon a Pilipino idi napalabas nga eleksion.
Impaganetget ni Atty. Shiela Sison a ti pannangikkat ti maysa a nabotosan nga opisial ket saan a laeng a legal a patangan ngem adda pakainaiganna iti panangraem kadagiti decision dagiti botante.
Segun ken ni Sison, ni VP Sara ket nabotosan iti puwesto babaen iti nasurok 32 milyon a Pilipino kas pammaneknek ti nalawa a talek nga impaay kenkuana dagiti umili.
Kagiddan daytoy, binigbig ti lead defense ti kampo ti bise presidente a karbengan ti publiko a dusaen dagiti opisial ti gobierno, ngem pinasingkedan na a ti daytoy a proseso ket masapul a maisayangkat a maitunos iti Constitution.
