--Ads--
Kayat ni dati a Chief Presidential Legal Counsel Salvador Panelo a mairaman ti defense team ni dati a Presidente Rodrigo Duterte bayat a sangsangoen na ti kaso nga crimes against humanity iti International Criminal Court (ICC).
Inkalintegan ti dati a Duterte appointee a kayat na mairaman iti panel tapno makatulong iti panang-depensa iti dati a presidente.
Daytoy pay ti nagbalin a rason no apay isuna ket nag-apply ti accreditation iti ICC, mano nga aldaw ti napalabas.
Innayon pay ti beterano nga abogado a kayat na a makastrek ken mabisita ni Duterte bayat a nakabalud iti Netherlands gapu ta kayat na a makasarita ti dati a presidente mainaig iti sangsangoen na a kaso.
-- ADVERTISEMENT --
